ആറ് മിനിട്ട് വൈകിയിട്ടും ഗാംഗുലി ടൈംഡ് ഔട്ടായില്ല! ഷാകിബ് അൽ ഹസൻ ചെയ്തത് തെറ്റാണോ?

മാന്യൻമാരുടെ കളി എന്ന് അറിയപ്പെടുന്ന ക്രിക്കറ്റിന് ചേർന്ന നടപടിയല്ല, ഷാക്കിബിന്‍റേതെന്ന് വിമർശകർ പറയുന്നു. അതേസമയം ഷാക്കിബിനെ അനുകൂലിച്ചും നിരവധിപ്പേർ രംഗത്തെത്തി. ഇതോടെ സോഷ്യൽ മീഡിയയിലെ ചൂടേറിയ ചർച്ചയായി മാത്യൂസിന്‍റെ ഔട്ട് മാറി. എന്നാൽ ടൈംഡ് ഔട്ടിനുവേണ്ടി അപ്പീൽ ചെയ്തത് സഹതാരത്തിന്‍റെ നിർദേശം അനുസരിച്ചാണെന്നാണ് ഷാക്കിബ് അൽ ഹസൻ മത്സരശേഷം പറഞ്ഞത്. തന്‍റെ ടീമിന്‍റെ വിജയം ഉറപ്പാക്കുക മാത്രമായിരുന്നു ലക്ഷ്യമെന്നും ഷാക്കിബ് പറഞ്ഞു.