ക്രൈം ത്രില്ലറായി ഷൈൻ ടോം ചാക്കോയുടെ ‘നിമ്രോദ്’; ലോഞ്ചിങ് ദുബായിൽ വച്ച് – News18 Malayalam

ഷൈൻ ടോം ചാക്കോ കേന്ദ്രകഥാപത്രമാകുന്ന ചിത്രം ‘നിമ്രോദ്’ ഒരുങ്ങുന്നു. സിറ്റി ടാർഗറ്റ് എന്റെർടൈൻമെന്റിന്റെ ബാനറിൽ അഗസ്റ്റിൻ ജോസഫ് നിർമ്മിച്ച് ആർ.എ. ഷഫീർ സംവിധാനം ചെയ്യുന്ന നിമ്രോദ് എന്ന ചിത്രത്തിന്റെ ഒഫീഷ്യൽ ലോഞ്ചിംഗ് നവംബർ 24ന് ദുബായിൽ അരങ്ങേറുന്നു. ഷാർജ സഫാരി മാളിൽ വൈകുന്നേരം ഏഴു മണിക്ക് ചിത്രത്തിലെ പ്രധാന അഭിനേതാക്കളുടേയും അണിയറ പ്രവർത്തകരുടേയും
സാന്നിദ്ധ്യത്തിൽ നടക്കും. നവംബർ 25ന് അബുദാബി സോഷ്യൽ സെന്ററിലും ചടങ്ങുണ്ട്.

പൂർണ്ണമായും ക്രൈം ത്രില്ലർ ജോണറിൽ അവതരിപ്പിക്കുന്ന ചിത്രമാണ്.
നാലു സ്ത്രീകഥാപാത്രങ്ങളും ചിത്രത്തിലെ പ്രധാന വേഷങ്ങളിലുണ്ട്.
ദിവ്യാ പിള്ള, ആത്മീയാ രാജൻ (ജോസഫ് ഫെയിം), പാർവതി ബാബു എന്നിവർ നായികാനിരയിലെ പ്രധാനികളാണ്. സംവിധായകൻ ലാൽ ജോസ് സുപ്രധാനമായ ഒരു കഥാപാത്രത്തെ അവതരിപ്പിക്കുന്നു.

യുവനടൻ അമീർ നിയാസ് (റൺ ബേബി റൺ, മാസ്റ്റർപീസ്, രാമലീല, ഫെയിം) എന്നിവരടക്കം നിരവധി താരങ്ങളും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു.

തിരക്കഥ – കെ.എം. പ്രതീഷ്. ഷീലാ പോളിന്റെ വരികൾക്ക് സംവിധായകൻ ആർ.എ. ഷഫീർ ഈണം പകർന്നിരിക്കുന്നു. തെലുങ്ക് – തമിഴ് ഭാഷകളിലെ പ്രശസ്തനായ ശേഖർ വി. ജോസഫ് ഛായാഗ്രഹണം നിർവ്വഹിക്കുന്നു.

എഡിറ്റിംഗ് – അയൂബ് ഖാൻ, കലാസംവിധാനം – കോയാസ്, മേക്കപ്പ് – റോണക്സ്‌ സേവ്യർ, കോസ്റ്റ്യും ഡിസൈൻ – സമീരാ സനീഷ്, പ്രൊജക്റ്റ് ഡിസൈനർ – ലിജു നടേരി. ഡിസംബർ അവസാനവാരത്തിൽ ചിത്രീകരണമാരംഭിക്കുന്ന ചിത്രത്തിന്റെ ചിത്രീകരണം ഇടുക്കി, കൊച്ചി, പാലക്കാട്, കോയമ്പത്തൂർ എന്നിവിടങ്ങളിലും ജോർജിയയിലുമായി ചിത്രീകരണം പൂർത്തിയാകും. പി.ആർ.ഒ.- വാഴൂർ ജോസ്.

Summary: Shine Tom Chacko movie Nimrod to get a Dubai launch