കൊല്ലം കണ്ണനെല്ലൂരിൽ വീട്ടില്‍ കയറി ആക്രമണം: പ്രതികള്‍ അറസ്റ്റില്‍,
കണ്ണനല്ലൂർ: വീട്ടില്‍ കയറി ആക്രമണം നടത്തിയ പ്രതികളെ കണ്ണനല്ലൂർ പൊലീസ് അറസ്റ്റ് ചെയ്തു. കണ്ണനല്ലൂർ ചേരിക്കോണം ചിറയില്‍ വീട്ടില്‍ മാഹീൻ (24), മുഖത്തല ഡീസന്‍റുമുക്ക് ഷാജിമൻസിലില്‍നിന്നും കടയ്ക്കല്‍ മാങ്കോട് ഐരക്കുഴിയില്‍ സന്തോഷ് ഭവൻ വീട്ടില്‍ വാടകക്ക് താമസിക്കുന്ന നിയാസ് (33) എന്നിവരെയാണ് പിടികൂടിയത്.
കഴിഞ്ഞ 18 ന് പുലർച്ചെ കണ്ണനല്ലൂർ ചേരിക്കോണത്ത് സാന്ദ്രഭവനില്‍ കയറിയാണ് വീട്ടുകാരെ ആക്രമിച്ചത്. രണ്ട് വർഷം മുമ്ബ് ഫുട്ബാള്‍ ടർഫില്‍ വെച്ചുണ്ടായ പ്രശ്നത്തിന്‍റെ മുൻ വിരോധമാണ് ആക്രമണത്തില്‍ കലാശിച്ചതെന്ന് പൊലീസ് പറഞ്ഞു.
