കൊവിഡ് നിയമം ലംഘിച്ച്‌ മീൻ വാങ്ങാൻ പോയി; കൊല്ലം സ്വദേശിക്ക് അഞ്ച് വര്‍ഷത്തിന് ശേഷം സമൻസ് അയച്ച്‌ പൊലീസ്
കൊവിഡ് നിയമം ലംഘിച്ചവർക്കെതിരെ പൊലീസിന്റെ നടപടി തുടങ്ങി. ലോക്ക്ഡൗണ്‍ നിയമം ലംഘിച്ചതിനാണ് ഇപ്പോള്‍ പലർക്കും സമൻസ് വന്നിരിക്കുന്നത്.
കോടതിയില്‍ ഹാജരാകാനാവശ്യപ്പെട്ട് പൊലീസ് നോട്ടീസ് നല്‍കിയിട്ടുണ്ട്. നാല് വർഷം മുൻപുള്ള കേസുകള്‍ക്കാണ് പലർക്കും സമൻസ് വന്നിട്ടുളളത്.
കൊവിഡ് കാലത്ത് ലോക്ഡൗണ്‍ നിയമം ലംഘിച്ച്‌ മീൻ വാങ്ങാൻ പോയ കൊല്ലം സ്വദേശിക്ക് ഇരവിപുരം പൊലീസ് ആണ് സമൻസ് അയച്ചത്. ലോക്ഡൗണ്‍ നിയമം ലംഘിച്ചതിനാല്‍ അദാലത്തില്‍ പങ്കെടുത്ത് പിഴ അടയ്ക്കണമെന്ന് പൊലീസ് സമൻസില്‍ ആവശ്യപ്പെട്ടിരിക്കുന്നത്. രോഗ വ്യാപനം നടത്തുന്നു, കൊവിഡ് നിയന്ത്രണങ്ങള്‍ ലംഘിച്ചു എന്നീ കുറ്റങ്ങള്‍ ചുമത്തിയാണ് ഇയാള്‍ക്കെതിരെ കൊവിഡ് കാലത്ത് കേസ് എടുത്തിരുന്നത്. കൊവിഡ് മാനദണ്ഡങ്ങള്‍ ലംഘിച്ചവർക്കെതിരെയുള്ള കേസ് പിൻവലിക്കുമെന്ന് സർക്കാർ നേരത്തെ പറഞ്ഞിരുന്നു. 12 ലക്ഷം ആളുകള്‍ക്കെതിരെയാണ് ലോക്ക് ഡൗണ്‍ കാലത്ത് പൊലീസ് കേസ് എടുത്തിരുന്നത്.
